टिकटक ले हाम्रो जीवनमा पारेको नकारात्मक असर

हामी मनोरञ्जनको लागि विभिन्न सामाजिक सञ्जाल हरु प्रयोग गर्ने गर्छौ । टिकटक पनि प्रविधीको विकास संगै आएको एउटा भिडियो शेयरइङ सामाजिक सञ्जाल हो । भन्नु पर्दा सबै सामाजिक सञ्जाल को फाइदा र बेफाइदा हुने गर्दछ । टिकटक को पनि केही फाइदा हरु त छन, तर यसले हाम्रो जीवन र समाजमा धेरै नकारात्मक असर गरिरहेको छ ।

टिकटक एउटा देखावटी संसार हों भन्दा फरक पर्दैन । यहाँ कतिपय मान्छेहरु लाइक र फलोवर बढाउन कुनै पनि हद सम्म जाने गरेको देखिन्छ । टिकटक भन्ने बितिकै हामीले बिर्सन नसक्ने शब्द हो भाइरल । भाइरल शब्द टिकटक मा आफैमा यति भाइरल छ कि कतिपय मान्छेहरु यसको लागि जे पनि गर्न तयार छन् । कतिले त भाइरल हुने खालको टिकटक बनाउने क्रममा ज्यान नै गुमाएका छन् । भनिन्छ, हरेक कुराको एउटा सिमा हुन्छ। सिमा मै रहेर काम गर्दा जुनसुकै काम पनि सफल हुन्छ तर, भाइरल शब्दको पछाडि लागेकाहरु यो कुरा बुझ्दैनन् ।

टिकटक भिडियो बनाउनेमा मात्र होइन भिडियो हेर्ने हरूमा पनि टिकटक ले असर गरिरहेको छ । टिकटकका भिडियोहरु छोटो हुने भएकाले मान्छेहरु आफूले लगाउने कपडा, गहना, आफ्नो घर, गाडी, पैसा जस्ता समानहरुको पनि भिडियो बनाएर हाल्ने गर्छन । अब मिडल क्लास परिवारका मान्छेहरू जसले ती कुराहरू किन्न र प्रोयोग गर्न सकिरहेका हुँदैनन् , उनीहरूलाई त्यो भिडियो देखेपछि आफ्नो जिन्दगी बेकार लग्न थाल्छ । उसमा आफूप्रति को सेल्फ कन्फिडेन्स काम हुन जान्छ । उ आफूलाई पनि उनीहरू संग दाज्न थाल्छ र सपनाको दुनिया मा रमाउन थाल्छ । उसमा यसरी नकारात्मक मनोवैज्ञानिक असर पर्न जान्छ ।

टिकटक ले सबै उमेरका प्रयोगकर्ताहरूलाई आकर्षित गर्ने गर्दछ । यहाँ रमाइलो र मनोरञ्जन बाहेक, धेरै संवेदनशील, अप्रिय, वा हिंसात्मक सामग्रीहरु पनि उपलब्ध हुने गर्दछ । यसले गर्दा यो एप बच्चाहरूको लागि कतिको हानीकारक छ भन्ने कुरा तपाईंलाई थाहाँ नहुन पनि सक्छ । यस एपको धेरै भन्दा धेरै सामग्री होस्ट गर्ने प्रवृत्तिले गर्दा, बच्चाहरू यसको लतमा पर्ने गर्छन । यसले बच्चाको पढाइमा असर त गर्छ नै, यसको लतले आमाबाबा हरुलाई पनि दुख दिने गरेको छ ।

टिकटक मा रोस्टको नाममा मानिसहरू विरुद्ध अप्रिय र आपत्तिजनक टिप्पणीहरू गरेर चरित्र हत्या गरेको पाइन्छ । टिकटक तपाइँको कला र क्षमता व्यक्त गर्न को लागी एक सुविधाजनक उपकरण हो । सबैलाई अभिव्यक्ति स्वतन्त्रताको अधिकार भएकोले कसैलाई मानहानि वा अनादर गर्दा हुने नकारात्मक असरलाई पनि विचार गर्नुपर्छ, तर भाइरल सब्दकाे पछाडि लागेकाहरु यो कुरा बुझ्दैनन् ।